Í Føroyum ber tað til at fáa fosturtøku framda upp til endan av 16. barnsburðarviku. Sambært lógini er fosturtøka tó bert loyvd undir serstøkum treytum, hetta er millum annað um:
Fyri at fáa loyvi at fremja fosturtøku í Føroyum krevst, sambært lógini, skriftlig váttan frá tveimum læknum.
Um tú ynskir at ávísast til fosturtøku, kanst tú venda tær til ein kommunulækna. Mammuhjálpin kann ikki hjálpa við hesum.
Medicinsk fosturtøka er tann mest brúkti mátin til at fremja fosturtøkur, tá kvinnan er komin til 9. barnsburðarviku ella styttri. Hetta slagið av fosturtøku verður framt við at barnakonan tekur tvær tablettir. Fyrst tekur hon eina tablet, ið blokerar fyri hormoninum progesteron, og hetta ger, at blóðveitingin til fostrið steðgar og fostrið doyr tí aftaná stutta tíð. Uml. 1-2 dagar seinni tekur kvinnan so seinnu tablettina, ið fær lívmóðrina at trekkja seg saman og útskilja tað deyða fostrið.
Vandar hjá kvinnuni við medicinskari fosturtøku eru m.a. bløðing og infektión.
Kirurgisk fosturtøka verður brúkt, tá fostrið er eldri enn 8 vikur. Tann mest brúkti hátturin er útsúgving. Tá verður kvinnan løgd í doyving og lívmóðurhálsurin verður opnaður. Fostrið verður síðani sogið út úr lívmóðurini.
Vandin við kirurgiskari fosturtøku er m.a. hjáárin av doyving, størri bløðingar ella infektión.
Sambært fleiri vísindaligum kanningum, so uppliva kvinnur nógvar keðiligar kenslur aftaná fosturtøku. Hesar kenslur umfata m.a. sorg, skomm, dapurleika og skuldarkenslu, og aftaná longri tíð uppliva fleiri longsul og angran [1]. Tað vísir seg eisini, at nógvar kvinnur hava lyndi til at skúgva sínar kenslur til viks, og tosa ikki um hendingina við onnur [2,3].
Ein stór metaanalysa fann fram til, at tað er ein øktur týttleiki til sálarsjúkur og misbrúk millum kvinnur, ið hava framt fosturtøku.[4]
Um tú hevur tað trupult aftaná eina fosturtøku, so vilja vit fegin hjálpa tær.
