Tænastur

Mammuhjálpin veitir ymiskar ókeypis hjálpartænastur til barnakonur og familjur.

Stuðulspersónar

Ynskir tú at verða knýttur at einum persóni, ið tú kanst tosa við um ymiskt?

Hevur tú tørv á praktiskari hjálp fyri at gera gerandisdagin lættari?

Mammuhjálpin hevur samband við fleiri fólk kring landið, í ymiskum aldri, sum ynskja at veita tær/tykkum hjálp til at gera gerandisdagin lættari. Hetta kann vera alt frá ráðgeving og samtalum til barnaansing og ymiska avlasting.

Set teg í samband við Mammuhjálpina, so finna vit ein stuðulspersón, ið hóskar til júst tín/tykkara tørv.

Vegleiðing í almennum tænastum

Mammuhjálpin hevur tilknýti til ein sosialráðgeva, sum hevur innlit í almennar skipanir, og tí kann veita ráðgeving og vegleiðing í hvørja hjálp tú kanst fáa frá tí almenna. Hetta kann t.d. vera fíggjarligar veitingar ella hjálp til útbúgving og arbeiði.

Klæðir og útgerð til børn

Manglar tú barnaklæðir? Ein barnavogn? Ella okkurt heilt annað?

Saman við øðrum felagsskapum savna vit ymisk klæðir og útgerð til børn. Set teg í samband við okkum, um tær tørvar okkurt. Vit vilja fegin gera eina roynd at hjálpa tær.

Sorg aftaná fosturtøku

Upplivur tú sorg eftir fosturtøku?

Tað er púra vanligt at vera keddur eftir fosturtøku, og vit síggja ofta, at kvinnur hava trupult við at tosa um sínar kenslur viðvíkjandi fosturtøku. Tú ert vælkomin at seta teg í samband við okkum, um tú hevur tørv á at práta um hendingina.

Vit samstarva eisini við psykoterapeutar, ið arbeiða við sorgarbólkum, parterapi og øðrum.

Les meira um møguligar sálarligar fylgur av fosturtøku her.