Anita Hentze Hardlei hevur og fer hesa vikuna at greiða frá síni søgu, tá hon fekk sítt fyrsta barn, ið var fødd við downsyndrom. Hetta er triði partur.
“Eg las eina grein á zetland.dk, sum æt “I danmark fødes der nærmest ingen børn med down syndrom længere”.
Her kom hon inn á, hvussu foreldur, at nýføddum børnum við down syndrom fáa handa ein langan lista av øllum sjúkutilstandum, sum KUNNU fylgja við down syndrom. So segði hon: “Hvis man gav en hvilken som helst vordende forælder en liste med alle de ting, deres barn kunne risikere at komme ud for i hele deres liv – sygdomme og den slags ting – så ville alle blive bange. Ingen ville få børn.”
Og tað er egentliga undarligt, at man fær hesar tankar kroystar niður yvir seg sum foreldur, at títt vælfungerandi barn er skeivt og ikki vælkomið í okkara samfelag.
Eg kendi einki annað til hesa diagnosuna, enn júst alt hetta. Men tá normurin er at fáa fosturtøku heldur enn at behalda sítt egna barn, so kundi hetta ikki vera heilt gott ha? Fór mítt barn at lýða? Fór tað ikki at passa inn í okkara samfelag?
Fór hon yvirhøgur at fáa eitt vanligt lív?
Eg lærdi tó skjótt, at tað eg framandundan visti um down syndrom, var ikki veruleikin.”
*** Les undan farnu uppsløgini frá seinastu tveimum døgunum. Minst eisini til at lesa framhald í morgin og endan í ovurmorgin ❤️
————
Hevur tú tað tungt? Er okkurt tú hugsar um, kanska í samband við at gerast mamma ella vera mamma at einum barnið við down syndrom, so ring til okkara. Tlf.661700. Telefonlinjan er opin mánadag til hósdag kl.19-22
