5 góð ráð til nýggju mammuna - Várdis Sandoy

9. jun. 2022 | Bloggur

Í dag at geva tey 5 ráðini er Várdis Sandoy. Hon er mamma til tvey. Hon bloggar erligt um lívið sum mamma á Instagram, har hon eitur @mammurumpan


1. BIÐ UM HJÁLP, UM TÚ HEVUR TØRV A TÍ.🗣

Tað er ongin skomm í at biða um hjálp. Bið mammu tína koma forbí og vera hjá lítla barninum eina løtu, so tú kann fáa tær ein blund. Bið systir tína keypa inn fyri teg. Bið ommu tína baka bollar fyri teg. Bið vinkonuna koma og spæla við lítla barnið, so tú kann fara í brús. Tú nýtist ikki at gera ALT sjálv, tey rundan um teg vilja uttan iva fegin hjálpa ❤


2. IKKI FYLG ØLLUM RÁÐUM, IÐ TÚ FÆRT.🙅‍♀️

Ger heldur tað “, sum riggar best fyri teg og tína familju. Øll gera tingini ymiskt, men tú er tann, ið kennir títt barn best 🥰

3. BRÓSTAGEVING OG FLØSKA RIGGA BÆÐI LÍKA VÆL. 🍼

Bróstageving er eitt ekstremt hart arbeiði, serliga tá barnið er nýføðingur og skal súgva 24/7. Hjá summum riggar tað væl, hjá øðrum riggar tað als ikki. Fær ikki niður við flagginum, hóast tú ikki fær bróstagevingina at rigga. Við fyrsta barninum hjá mær, riggaði bróstagevingin bara ikki, dótturin bara græt og eg fór totalt í kolkjallarin. So fann eg út av, hvussu væl tað riggaði at geva fløsku, og bæði eg og dótturin blivu sum ein annar persónur.👩🏻‍🍼 Við soninum riggaði bróstagevingin harafturímóti væl beinavegin.🤱🏼 Bæði eru komin akkurát líka væl uppundan. Ger tað, sum riggar best fyri tykkum. 💕


4. Far so ofta, sum tú kanst í mammubólk ella hitt aðrar mammur.

Tað er eitt fantastiskt ting, at verða partur av einum mammubólki. Eitt stað, har tú kann tosa opið um alt frá babymos, og til fyrstu samlegu eftir barnsburð. At vera í barnsburðarfarloyvi, kann til tíðir tykjast einsamalt og einstáttað, so at hittast við øðrum mammum er gullvert. 👯


5. Stóla uppá teg sjálva. You’ve got this! 💪🏻❤


—————-


Les meira um Mammuhjálpina á www.mammuhjalpin.fo og set teg í samband við okkum har 🌸😊