Í dag er tað Oddny Michela Hanusardóttir, ið gevur tey trý ráðini til nýggju mammuna. Men eg haldi her er okkurt til allar mammur at vera mintar á, serliga punkt eitt og trý.🌸 Oddny eitur @oddnymh á Instagram.
1. MINST TIL ØLL ERU IKKI LÍKA 💛
Ikki føla teg illa, um tú følir, at tú ikki hevur líka nógv yvirskot, sum aðrar mammur. Øll eru ikki líka, og ofta er sannleikin ein annar, enn tað sær út til. ØLL hava sínar kampar.
2. 🍼 ELLA 🤱🏻 – FINN ÚTAV, HVAT RIGGAR BEST HJÁ TÆR
Um tú følir, at bróstagevingin ikki er nakað fyri teg, ella tað bara ikki riggar, so ikki føla teg illa, at noyðast at geva fløsku. Tað er ikki øll, sum njóta at geva bróst. Tað er týdningarmiklari, at barnið fær fløsku og følir at tú hevur tað gott, enn at tú gevur bróst og stressar av tí – um tað er nakað, ið stressar teg.
3. TAÐ ER OKEY AT HAVA BRÚK FYRI EGIN-TÍÐ 💃
Um tú følir, at tú hevur brúk fyri frið ella at gera okkurt annað, enn “bara” at vera ein mamma, so spyr um hjálp. Tað er okey, at ikki orka summar dagar. Onkuntíð er tað besta, ið tú kanst gera fyri bæði teg og barni, er at fáa eitt sindur av tíð til tín. Aftaná kanst tú vera har 100%, ístaðin fyri at vera frustrerað og drenað fyri orku. Tað skal eisini vera pláss fyri at forkela seg sjálva. 😚
—————
Les meira um okkum og tað hjálp vit bjóða á www.mammuhjalpin.fo 🤗
